Din Ort für Froge, Tipps & Erlebniss rund um Lozärn.
Ä Community direkt uf dim Smartphone
Hey Lozärn isch e WhatsApp-Community für üsi Stadt - direkt uf dim Handy. Du chasch Froge stelle rund um's Läbe i de Stadt und dini Gheimtipps teile. Du findsch spannendi Infos was gad i de Stadt lauft, chasch neui Lüt kennelerne und bisch teil vo ere wachsende, lokale Community.
Üsi WhatsApp-Community isch es Dach für verschiedeni Theme-Gruppe. Du entscheidisch sälber, wo du biträtte, mitschriibe oder eifach nu mitläse möchtisch:
Din direkte Draht zu echtem Lozärner Schwarmwüsse abseits von Google und KI-Chatbots. Egal ob Handwerker-Suechi, spontani Coiffeur-Termine oder Gastro-Froge: Do ine chasch du alles rund ums Stadtläbe froge und dini eigene Gheimtipps mit de Community teile.
Din lokale Flohmarkt direkt i de Hosetäsche. Ob Möbel, Chleidig, Velos oder d'Wohnigs- und WG-Zimmer-Suechi: Do chasch du unkompliziert Sache verkaufe, verschänke oder es Gsuech poste.
Di perfekti Plattform, zum vom Chat direkt ins echte Lozärner Stadtläbe iitauche. Egal ob spontani Aktivitäte am See, gmeinsami Wanderige oder Sport-Sessions: Do findsch du unkompliziert die richtige Lüt für gmeinsami Träffe – inklusive sicherem Vibe-Check über de Ustuusch vo eune Instagram-Profil.
Du bisch i de Stadt und spontan unterwägs? I dem werbefreie Admin-Feed findsch du alles, was hüt oder i de nächste paar Täg in Luzern öffentlich zuegänglich isch – vo Pop-ups und Flohmis bis hi zu Food-Festivals, meistens komplett ohni Ticket. En churze Blick in Chat langet, zum de Tag unkompliziert schöner z’mache.
Dini Kultur- und Party-Highlights vo Lozärn uf ein Blick. In dem Admin-Feed posted üsi Event-Partner (wie s'Roadhouse, d'Bar59 oder d'Schüür) die beste Konzert, Partys, und Events vo de Wuche – perfekt für dini Wucheend-Planig.
Üse exklusive Community-Vorteilsclub im Ufbau! I dem Feed erwarted dich bald handverläseni Gheimtipps und exklusivi Special-Deals (wie z.B. Rabatt uf es Kafi i de Stadt) in Zämearbeit mit lokale Partner – exklusiv und nur für d'Mitglieder vo Hey Lozärn.️
Hey Lozärn wachst mit dir! Ob neui Gastro-Channels, Sport-Theme oder See-Vibe: Mir füged laufend neui Gruppe hinzue, sobald d’Community meh Platz brucht. Du hesch e eigeti Idee für en neue Channel oder e Gruppe? Dänn meld di eifach direkt bi de Admins.
So bisch debii
Klick Biträte
Ein Klick uf dä Button bringt dich direkt i üsi digitali Zentrale auf WhatsApp.
Wähl dini Theme
Wähl die Theme-Gruppe us, wo di interessiered.
Kei Stress
Gruppe stummschalte, zruglähne – und nur ineluege, wenn du Ziit und Lust hesch.
Warum Hey Lozärn?
Luzern isch wunderschön, aber es isch verdammt schwer, unkompliziert neui Lüüt kennenzlernä. Ich han gnueg gha vo dem ganze Social-Media-Zirkus und anonyme Ergebnis vo Google & KI-Chatbots uf mini Frage rund um s'Läbe i de Stadt. Ich han en Ort vermisst, wo me sich eifach und unkompliziert unter Locals ustusche chan.
Us em Wunsch nach Aschluss i dere Stadt, wo mis dihei isch, ich mich aber trotzdem isoliert und einsam fühl, isch "Hey Lozärn" entstande. Was als chliises Experiment ahgfange het, verbindet hüt scho hunderti Locals.
Wer mir sind
Hinter Hey Lozärn stecked mir drü — de Florin, de Nico und d'Celine. Drü Fründe, wo vor es paar Johr do hi zoge sind und die Stadt liebed. Gmeinsam hebe mer das Projekt ufs nächste Level und bringed Lozärn no es Stück nächer zäme.
Florin Raske
Gründer & Visionär
Ich stüüre das Projekt sicher in nächste Hafe, idem ich de Gsamtüberblick bhalte, Prioritäte setze und de Kurs festlege.
- Vision & Gsamtleitig
- Visuelli Gstaltig
- Strategischi Entscheidige
🎬 Hinter de Kulisse
📝 Über mich
Background:
Mini Tätigkeit als Hochbauzeichner & Architkekturvisualisierer han ich hinter mir lah und arbeite jetzt näbe Hey Lozärn i de Gastro. Ich bin ursprünglich vo Schaffhuuse und läbe sit 2022 in Luzern.
Freiziit:
Ich läbe minimalistisch, choche gern vegetarisch & gnüsse s‘Läbe in volle Züg. Egal ob am Wasser, zu EDM-Bäss, mit me Kafi uf de Sunneterrasse oder bi Räge entspannt im Wellness - be mir isch jede Tag en guete Tag ☀️ Ich tue gern Reise und Abentüür erläbe. Mis Herz schlaht für d'Freiheit und tüfgründigi Gspräch über Glück und Unglück.
Zitat:
"Freude wächst nur dann, wenn man sie teilt. Man kann nur mehr für sich selbst bekommen, wenn man sie an andere verschenkt."
— Inspiriert von Brian Tracy
Nico Boppart
Mitgründer & Koordinations-Leiter
Ich forme üsi Ideeä, organisiere d'Abläuf im Hintergrund und baue s'technische Fundament, damit alles riibigslos funktioniert.
- Projekt-Koordination
- Business- & Ideeä-Entwicklig
- Technischi Umsetzig
🎬 Hinter de Kulisse
📝 Über mich
Background:
Ich be urspünglich us Solothurn. Ich studiere Wirtschaftspsychologie ade HSLU und arbeite nebebi im Startup-Umfeld wo ich mich täglich demit usenander setzte wieme grossi Ideene id Realität duet umsetzte :)
Freiziit:
I mire Freizit bin ich en Mensch wo gern dusse esch, neui lüt kenne lernt, tiefgründigi gspröch füehrt und gern abendtürlichi sache erläbt. Ich schätze dmönsche um mich ume und due extrem gern schöni momänt mit ine zäme verbringe
Zitat:
"Grossi Ideene fange oft ganz chli ah, mit de richtige Lüt und am richtige Ort chan aber ebbis wunderschöns druus entstoh."
Celine Wyss
Mitgründerin & Community-Managerin
Ich baue d'Community rund um Hey Lozärn uf, bringe Mönsche zäme und sorg defür, dass üsi Botschaft authentisch nach usse treit wird.
- Community-Ufbau
- Marketing & Kommunikation
- Eventplanig
🎬 Hinter de Kulisse
📝 Über mich
Background:
Ürsprünglich beni vom Seetal. Ich schaffe ih de Optik und studiere sit 2023 Wirtschaftspsychologie ah de HSLU. Näbebi mach i Social Media.
Freiziit:
I minere Freiziit bini gern sportlich unterwegs - im Gym, bim Jogge oder bim HYROX-Training. Ich liebe es, neui Ort z’entdecke und mich ständig wiiterz’entwickle. Genauso wichtig sind mir aber au ruhigi Momänt mit Familie und Fründe.
Zitat:
"Komfortzone z verloh esch ned immer eifach, aber es lohnt sich."
Scho über 260 Locals sind debii. Und du?
Was vor wenige Wuche mit ere Idee ahgfange het, isch hüt e Community us über 260 Locals. Egal ob e schnelli Frag i de Mittagspause oder spontani Plän fürs Wucheend – gmeinsam mache mer üsi Stadt es Stück vernetzter.
Mitglieder
Luzernerinnen & Luzerner
Theme-Gruppe
Für Frage, Infos & Träffe
Werbung
Immer gratis & werbefrei
Di nächste Schritt sind bereits in Planig — Stay tuned! 🚀
D'WhatsApp-Gruppe isch üses Fundament — aber si isch ersch de Aafang. Gmeinsam mit de Startup-Förderig Smart-Up vo de Hochschuel Luzern entwickle mer im Hintergrund bereits di nächste zwei Süüle für Hey Lozärn:
Di beste Insider Tipps eifach via WhatsApp